牛年新春happy食, 玩, 買泰國之旅完結

咁大個女第一次搭國泰機, 呵呵~~

回程班機好似無冷氣咁, 唯一通風既地方就係個洗手間

琴晚由機場返到屋企到上床訓覺已經凌晨2點喇

好彩今日都仲未洗返工姐, 聽日就要收心養性啦~~

講返呢個旅程, 都過得好充實

係咁食, 係咁買, 係咁玩....................

見到婆婆身體唔錯已經放心晒, 第一晚做左大豪客, 同媽媽, 家姐, 姐夫夾錢請食飯, 兩圍檯, 食中國菜, 食左所謂既翅同鮑魚, 擺明扼當地既泰國人, 埋單盛為一萬三千幾泰幣, 每人夾6百幾蚊港紙, 用咁既價錢係泰國食d咁既中國菜確實好唔值, 另一角度睇, 可以同成班唔多見既親戚食餐飯, 係就係肉痛d, 都值得既~~

之後幾日去左3個從未去過既地方玩, 動物園, 葡萄園, 有表演&動物睇既公園, 當中個葡萄園靚到爆, 係黃昏時候去真係浪漫到暈, 下次一定要拉埋寶寶去~~

滿載而歸咁返港, 搬行李搬到傻, 睇返d戰利品咩攰氣都無晒, 呵呵~~

希望第二個旅程快d到啦, 哈~~~~~

聽日就係大年初一

牛年又黎lu

係度同大家拜個年

恭喜發財, 身體健康, 男既精壯如牛, 女既青春不老, 恭喜恭喜!!

琴日去左阿康屋企玩

黎個送鼠迎牛發財埋面大賭檔先

同寶寶夾埋輸左$45tim, 呵呵~ 唔緊要, 由聽日起成個牛年我都會行運行到腳指尾, 逢賭必贏既, 睇住黎啦, 哈哈~~

今日2口子去唱k, 跟住行花市, 人頭湧湧呀, 結果寶寶買左個$10既耳筒, 哈~ 都算有收獲呀~~

夜晚爸爸親至下廚, 我梗要捧場既, 味道都唔錯喎, 我食左好多魚喎

好期待聽日既雀局同盆菜哦~~

嘩.............錢呀...............

埋黎睇下埋黎揀下, 有賭未為輸~~

成班賭仔~

2009年喇~  HAPPY NEW YEAR~~

時間過得好快

咁快又新一年啦

而呢個聖誕&元旦檔期都過得真係好充實

有24號既公司party + 夜晚bbq晚會

25號既happy sha la la la christmas party

26號既家中雀局

27-28號既一年一度christmas camp + 睡衣派對

28號既huge war game大爆發

當然唔少得就係31號既大日子............8週年啦............除夕倒數打邊爐hoo hoo hoo

嘩~~ 接踵而來既節目令到自己既睡眠時間少左唔少呢~~

嘿.........唔緊要啦, 一年一次..........呵呵~~

祝願大家2009年一切順利, 身體好到不得了, 大家一齊努力~~

KEEP SMILING ^^

好多既靚相將會係facebook同大家見面

密切留意哦~~

大家記唔記得佢係邊個呀??

無錯喇~ 佢就係陳錦昌喇~~

哈哈~~ 佢係我公司岩岩完成左既第44屆學員之一呀

當我day1見到佢果陣真係好surprise

估唔到咁都遇到以前中學既阿sir喎

同佢相認果刻佢都唔記得我係嘜水

到day2果日佢話miss chow記得我

仲讚我好乖tim, 呵呵~~

好掛住培英所有人同物呀

好想返去行下, 見下d阿sir&miss呀~~

佢好叻呀, 係全場之冠啤牌競賽入面破左歷屆既最快紀錄, 仲攞埋傑出學員獎~ 哈~

呢段日子發生左好多野

12月6日 二家姐結婚, 又多左個姐夫喇~~

岩岩個星期六同成大棚人去左大圍踩單車, 之後入大尾篤bbq

琴晚.......................對唔住.......................要媽媽擔心

無下次!!!!!!!!!!!!!!

只想與寶寶天長地久....................

輪候扮靚中, 同熙熙影張相先~~

搞掂!! 係咪好靚呢~ 哈哈~~

似唔似一家3口呀??

天生一對~~

任務完成!!